Kobanî de varanê tîyatroyî

• Hereketê Hîlala Zêrîne, bi wesîleyê Roja Tîyatroyî ya Dinya xeylê kayî hedre kerdê. Kayî do seba şarê Kobanîyî bêrê kaykerdene.

Hereketê Hîlala Zêrîne, bi wesîleyê Roja Tîyatroyî ya Dinya xeylê kayî hedre kerdê. Kayî do seba şarê Kobanîyî bêrê kaykerdene.

Hereketê Hîlala Zêrîne Kobanî de xebatanê xo ramneno. Hereket bi wesîleyê Roja Tîyatroyî ya Dinya seba şarê Kobanîyî xeylê kayî hedre kerdê.

‘Tîyatro Rojava de aver şi’

 Endamê Hereketê Hîlala Zêrîne Gulçîn Heso va, “Verê şorişî tîyatroyê Kurdan raştê xeylê probleman ameyêne la reyna zî tiyatroyê Kurdkî pay ra mendibi û mabeynê înan û şarê Kobanîyî de têkîlîyêka weşe virazîyaybî. Badê şorişê Rojavayî şarê Rovajayî eşka xebatanê hunerî de xo organîze bikero. coka Rojava de tîyatro aver de şi.”

‘Festîvalî ameyê viraştene’

Gulçîn Heso va, “Verê şorişî, Rojava de xebatê hunerî xeylê kêmî bî û tîyatro zî zaf çin bî. Newrozan de tayê kayî nimitkî ameyêne kaykerdiş. La badê şorişî kayî bi serbest ameyê kaykerdene, dima festîvalî ameyê viraştiş û kursê tîyatroyî ameyê akerdiş.”

‘Ganî welatanê bînan reyde têkîlîyî bêrê ronayîş’

 Reyna Gulçîn Heso va, “Ganî Rojava zaf hetan ra û xebatanê hunerî de zî welatanê bînan de têkîlîyan rono. Ma bi wesîleyê Roja Tîyatroyî ya Dinya xeylê kayî hedre kerdê. Ma wazenê şarê m abi kayanê tîyatroyî wextêko weş bivîyarno û ma wazenê cinîyî beşdarê xebatanê ma bibê.”

NÛJINHA / KOBANÎ