Resimanê domananê Efrînî de rêçê şerî estê

Komeleya Komelî ya Efrînî, resmanê domananê Efrîn û Şehbayî ra Qamişlo de pêşengeyêk akerde.

Hetê Komeleya Komelî ya Efrînî û Meclîsa Demokratîk a Sûrîyeyî ra, Qamişlo de Merkezê Kulturî yê Mihemed Şexoyî de pêşengeya resiman ameye akerdene. Pêşengeye de resimê domananê Efrîn û Şehbayî ca genê. 100 ra zêder resimî hetê 15 domanan ra ameyê xêzkerdene. Resiman de rêçê koçkerdişî û îşxalî bi eşkera asenê.

Endama Komeleya Komelî ya Efrînî Mûne Brahîme va, “Resimî hetê 15 domananê Efrîn û Şehbayî ra ameyê xêzkerdene. Resiman de rêçê koçkerdişî û şerî bi eşkera asenê. Ma wazenê paştî bidê domanan. Ambargoya Şehbayî ver probleme pîlî qewimîyenê. Serdî ver domanî merdê. Zîyaretkerdoxî zî wazenê paştî bidê domanan. Tabloyan de dejî estê. Nê domanî ganî bişîyêne wendegeh û cuya xo xêze bikerdêne la netîceyanê şerî xêz kenê.”

Şar bi hêvîya tepîya agêrayîşî cuwîyeno

Brahîme peynî de va, “Îşxalê Tirkan ver Efrîn de xeylê cayî ameyê talankerdiş û polîtîkayê vurînayîşê demografîkî ameyê ramitene. Ma waşt nê îşxalî bimojnê pêroyê dinya. Darê zeytunî hetê çeteyan ra ameyê birnayene. Ma bi hêvîya têpîya agêrayîşî cuwîyenê. Rewşa penaberan ra pêroyê dinya berpirsîyar a. Dewleta Tirke vera Şehba hêrîşanê xo mêmabên ramnena. Şarê Efrînî hêvîya xo nêbirnaya. Şarê Efrînî do rojêk agêro erdê  xo ser.”

NÛJINHA / QAMIŞLO