Meryemxan

Hetê Melahat Uluçe ra cuya Meryemxane ser o kitabêk ameyo hedrekerdiş. 

Kitab bi nameyê ‘Meryemxan Dengbêja Hizin û Kederê’yî ameyo çapkerdene. Na xebate de cuya Meryemxane ser o malûmatê hîrayî ca genê. Kitab hetê Weşanxaneyê Peywendî ra ameyo çapkerdiş. Meryemxan Şirnex de ameya dinya. Keyeyê aye bar keno şino Qamişlo. Ê uca de Bedirxanîyan de benê şinasî. Meryemxan tîya de dest bi dengbêjîye û deyîrbazîye kena. Dima şina Zaxo û hunermendanê Kurdanê namdaran de bena şinasî û kewena mîyanê xebata muzîkî. Musabeqaya Radyoya Bexdatî de bena yewine. Badê şina Bexdat û uca de beno nêweş û wefat kena. Vengê aye mîyanê Kurdan ra beno vila û xeylê yena heskerdene. Kitabê Melahat Uluçe de, nê malûmatî bi teferûat yenê dayene. 

Melahat Uluç, Meryemxan Dengbêja Hizin û Kederê, Weşanxaneyê Peywend, Îstanbûl, 2022.

MERKEZÊ XEBERAN