Kobanîyijî: Ganî sehaya hewayî bêra padayîş

Kobanî seba ke sehaya hewayî bêra padayîş û îşxalkarî bêrê dûrîviştiş hêzanê mîyannetewî rê gazîyêk kerde.

Tirkîya vera Rovavayî gef û hêrîşanê xo roje bir oje zêdînena. Kobanîyijî vera nê gef û hêrîşan nerazîtîya xo anê ziwan. Cinîya Kobanîyîje Zehra Cezaîrî vana, “Ver ama şerêko giran yeno ramitene. Dewlete vanê ma seba çareserkerdişî xebitîyenê la pêroyî menfaate xo fikirîyenê. Ganî sehaya hewayî bêra padayîş. Tek rayîrê rehatîye no yo. Teyyareyê Tirkîya keyeyanê ma bomba kenê. Ma bin o qeyde senî eşkenê biewleyîye bicuwîyê.”

‘Tirkîya wazena nasnameyan çin bikera’

Kobanîyijan ra Îbarhîm Mihemed vano, “No welat, welatê ma yo û welatê şarî yo. ma do erde xo bipawê û ma do raye mede îşxalî. Tirkîyaya îşxalkare wazena nasnameyanê şaranê tîyayî çin bikera. No şar gala kesî nêkerd û kesî nêvist taluke. Ma wazenê erdê xo ser de bi haştîye û bi ewle bicuwîye.”

‘Se kenî wa bikerê nêşkenê Kurdan çin bikerê’

Welatîyo Kobanîyij Xelîl Mistefa vano, “Gefê îxşalkaran tim dewam kenê û ma zî bi pawitişê xoserî xo pawenî. M abi xoverdayîşê xo yê rûmetdarî zaf çî musayê. Se kenî wa bikerê nêşkenê Kurdan çin bikerê. Ganî hêzê mîyannetewîyî Erdoganî ra vajê vinde û ganî sucê Tirkîya bêrê vînayîş.”

ANHA / KOBANÎ