Komeleya Kultur û Hunerî ya Serhedî kongreya xo ya verêne viraşte

Îdarekarê komeleye Mervan Tarhanî va, “Kultur û huner ameyoxê ma yê û ma ganî pêro pîya bipawê.”

Komeleya Huner û Kulturî ya Serhedî,  Bedlîs Tetwan de xebatanê xo ramnena. Komeleye kongreya xo ya verêne kişta gole de viraşte. Îdarekarê DBP, HDP û Partîya Çep a Keske û xeylê kesî bîyê beşdarê kongre.

‘Kultur û huner ameyoxê ma yê’

Qiseykerdişê akerdişî hetê îdarekarê komeleye Mervan Tarhanî ra ame kerdene û Tarhanî va, “Ziwanê ma, kulturê ma û tarîxê ma raştê qirkerdişan yenê. Bi festîvalan kulturê ma asîmîle kenê. Ma zî vanê kultur û huner ameyoxê ma yê û bin ê fikrî kongreya xo virazenê. Ma ganî pêro pîya kultur û hunerê xo bipawê. Ganî Kurdî wayîrê sazîyanê xo bivejîyê.”

Qisetykerdişan ra dima hunermend Kadîr Çat û Mizgîn Turane vejîyayê sehneyî ser û deyîrê xo vatê. 

Kongre, konseri ra dima ame qedîayyene. Onder Yoldaş sey serekê komeleye ame weçînayene.

MA / BEDLÎS