Komeleya Kultur û Hunerî ya Mezopotmayayî derheqê tedayanê vera endam û îdarekaranê înan de va, “Nê polîtîkayanê gemarinan ra fek vera bidê. Huner teslîm nêbi û do nêbo zî.”
Komeleya Kultur û Hunerî ya Mezopotamyayî derheqê tedayanê ke endam û îdarekaranê înan rê benê de eşkeyayîye daye. Eşkerayîye, vernîya Şûbeya ÎHDyî ya Mêrdînî de ameye kerdene. Paralmenterê Partîya Çep a Keske yê Mêrdînî Kamûran Tanhan û Bêrîtan Guneşe, endamê rêxistinanê sivîlan û xeylê kesî bîyê beşdarê eşkerayîye.
Îdarekara komeleye Rûken Aslane va, “Hêrişî bi polîtîkayanê şerê taybetî yenê ramitene. Kulturî nasnameyê şaran ê hunermendî zî wijdanê şarî yê. Hunermendanê Kurdan heta ewro çok nênayo ro. Ma do çirey hunerê azadî ra fek rameverdê. Man ê polîtîkayan şinasnenê. Ma hêrişanê ke vera enbazanê ma yê hunermendan bîyê qebûl nêkenê û ma nê hêrişan şermezar kenê. Ma tîya ra veng danê; nê polîtîkayanê xo yê gemarinan ra fek veradê. Huner teslîm nêbi û do teslîm nêbo zî.”
Dima Parlamenterê Partîya Çep a Keskê yê Mêrdînî Kamûran Tanhanî qisey ker û va, “Vera ziwan, kultur û nasnameyê Kurdan hêrişî her warî de zêdîyenê. Esasê xo de polîtîkaya şerê taybetî yena ramitene. Nê zî leteyê na polîtîka yê. 100 serrî yo ke vera nasnameyê Kurdan refleksê qirkerdişî yeno dayene. Ganî îqtîdar nê polîtîkayanê xo yê qirkerdoxan ra fek raverdo.”
MA / MÊRDÎN
parvê bike
Nûçeyên ku dikare bala we bikşîne
