Konserê Zarok Mayî rê eleqayo pîl: Bîletî qedîyayê

Zarok Ma do serrgêra xo de konserêk bido. Konser do 6ê Temûze de bêro viraştene la nika ra bîletî qedîyayê. 

Konservatuarê Aram Tîgranî 2016î de hetê qeyyûmî ra amebi padayîş. Akademîya Ma Muzîkî hetê hunermendanê Konservatuarê Aram Tîgranî ra ameye ronayene. Ma Muzîkî 5 serran de xebatê xeylê serkewteyî kerdê. Binê banê akademîye de, Jin Ma, Koroya Domanan, Orkestra Ma, Orkestraya Rîtmanê Xozayî, Zarok Ma û Akademîya Dengbêjan ameyê ronayene. 

Zarok Ma 2021î de ame ronameye. Tîya de domanê 0-5 serreyî perwerdeyê muzîkî genê. Zarok Ma do serrgêra xo de konserêk bido. Konser do 6ê Temûze de bivirazîyo la nika ra 400 bîletî qedîyayê. Zarok Ma do emser mezûnanê xo yê verênan bido. Konserê serrgêre de do Silêmanîye û Mehabadî ra hunermendî zî bibê mêman. 

350 domanî perwerde genê

Koordînatorê Akademîya Ma Muzîkî Şêrko Kanîwarî va, “Nika Zarok Mayî de 600 domanî estê û 350 domanî bi aktif perwerdeyê muzîkî genê. Nê 350 domanî do mezûn bibê û derbazê Akademîya Ma Muzîkî bibê. Ê do bi weçînitişê xo perwerdeyê enstrumanan bigerê. Ma wazenê kultur û muzîkê xo bimusnê domanan. Zarok Ma seba domananê 0-5 serrîyan cayêko yewek o. Ma wazenê xebatanê xo aver de berê. Ma do bi çalakîyan serrgêra Zarok Mayî pîroz bikerê. Ma hêverî waşt tena konserêk virazê la bîletê ke ameyê qedîyayîş, ma qerar da ke 7ê Temûze de zî bivirazê. Ma do klîbanê 3 deyîran zî biancê. Hedreyîyê ma dewam kenê.”

MA / AMED