Sêrt de çalakîya ziwan û kulturî

Hetê Botan-DERî ra Sêrt de çalakîya ziwan û kulturî ameye viraştene.

Hetê Botan-DERî ra Sêrt de buroya weçînayîşî ya Partîya Çep a Keske de çalakîya ziwan û kulturî ameye viraştene. Xeylê kesî çalakîye de ameye têhet. Mîyanê beşdaran de namzetê Partîya Çep a Keske, Hemserekê HDPyî, Dayîkê Haştîye, endamê MEYA-DER û TUHAD-DERî estibî. 

Hemserekê Botan-DERî Ferhat Toprakî çalakîye de qisey kerd û va, “Ma hêvî kenê ke, wa ziwanê Kurdkî, kulturê kurdan û hunerê kurdan her warê cuye de aver de şorê.”

Ey ra dima Hemsereka Botan-DERî Beşîre Aslane qisey kerd û va, “Xoverdayîşê ma yo ke bi serran ra nat dewam keno, seba ziwan û kulturê ma yo. Şima zanê ke ma ver bi weçînayîşî ya şonê. Ma waşt moralêk bidê embazanê kedkar û xebatkaran. Ma zanê ke serkewtiş do bibo para ma. Ma bi na bawerîya xo xurt ê.”

Koma Botan-DER, Koma Erbaneyan a Cinîyan û muzîsyeno mehellî Metîn Kiliçaslan vejîyayê sehneyî ser. Çalakî, bi govend û şayîye qedîyaye.

MA / SÊRT