Kurdî Rojava de serkewtê

• Tarîxnas û ziwannas Noam Chomskyî va zulmê Tirkan ver bi hezaran kurdî merdê û bi mîlyonî zî welatê xo ra koç kerdê.

Noam Chomskyî va ganî Kurdî Rojava de bibê wayîrê statuyêk. Kurdî şerê Surîye de eşkayê bi îmkananê xo pay ra bimanê. Tarîxê Kurdan bi dejan dekerde yo û Kurdan zulmanê tewr pîlan Tirkan ver dîyo.

Hêrişê Wehşîyî

Chomskyî va, “Ti taybetî serrranê 1990an de terora dewleta Tirkîya ver bi hezaran kurdî qetil bîyê û bi mîlyonanê înan zî koç kerdê. Zafê înan şîyê Îstanbûl û mîyanê şertanê xiraban de cuwîyeyê. Prosesê çareserîye ra dima rejîmê Erdoganî hîna bi pêt û ewro zî sey serranê 90an Kurdîstan de xeylê hêrişê wehşîyî yenê kerdene.”

Rojava ray ra mend

Chomsky derheqê Rojava de va ke, “Kurdan Rojava de bi îmkananê xo yê kêman pay ra mendê. Hukmatê Tranpî tayê cayan ra ancîyeyê û Tirkan eşt nê cayan ser. Hinî Rojava binateyê di dişmenan de mendo. Hetêk ra Tirkîya hetêk ra rejîmê Esadî. Na raşta zî rewşêka xirab a.”

Noam Chomsky kam o?

Tarîxnas û ziwanzan Noam Chomsky, 93 serrî yo û eyaleta Amerîka Arîzona de cuwîyeno. Chomskî bi fikranê xo yê antî emparyalîst û antî kapîtalîstan yeno zanayene. Chomsky, mîyanê fîlozofanê weşan ra yê tewr pîlan ra yewî yeno qebûlkerdiş. Heto bîn ra muhalîfêko radîkal û çalak o.

MERKEZÊ XEBERAN