Ma do timûtim vera şerî vinderê

MAHMUT ALTINTAŞ / MA / AMED

Hemserekê MEBYA-DERî Şehmûz Karadag û Hemserekê MED-DERî Rifat Ronî malûmatanê vera şerî ver gêrîyaybî bînê çimî. Înan dîyar kerd ke do timûtim vera şerî vinderê.

Vera hêrîşanê Tirkîya Dîyarbekir de 21ê Teşrîna Peyêne de şar amebi têhet û înan waştibi malûmatêk bidê. 47 kesî hetê polîsan ra gêrîyaybî binê çimî. 4 rojan ra dima kesê ke gêrîyaybî binê çimî ameyê veradayîş.

Hemserekê MEBYA-DERî Şehmûz Karadag û Hemserekê MED-DERî Rifat Ronî zî gêrîyaybî binê çimî û înan dîyar kerd ke, ê do timûtim vera şerî vinderê.

‘Ma do vera şerî vinderê’

Hemserekê MEBYA-DERî Şehmûz Karadagî va, “Ma waşt bi partîyanê sîyasîyan, rêxistinanê sivîlan û şarî Dîyarbekir de vera hêrîşanê Tirkîya yê ke Rojava rê benê malûmatêk bidê. La hetê polîsan ra dormaleyê ma gêrîya û ma gêrîyayê binê çimî. Ê vanê, behsê haştîye mekerê, ma do pê şerî safî bikerê. La heta nikap ê şerî çîyêk çareser nêbîyo. Meseleyî bi haştîye çareser benê. Ma do timûtim vera şerî vinderê û timûtim hetê haştîye de ca bigerê. M abi keyfîyetî gêrîyayê binê çimî. Ê ma bigerê binê çimî û îşkence zî bikerê, ma do timûtim seba haştîye kede bidê.”

‘Îqtîdar wazeno emrê xo derg bikero’

Hemserekê MED-DERî Rifat Ronîyî va, “Îqtîdar wazeno bi şerî emrê xo derg bikero. Wazeno weçînitişî bin ê polîtîkayanê şerî qezenc bikero. Wazenê bi nê binçimgirewtişan kerdenanê xo binimnê. Wazenê şarî bitersnê. Şerêk yeno ramitene. Nê şerî ver serran ra nat sere de zerrîya şarê Kurdî vêşena. Ma hina zêde dejan nêwazenê. Hem Kurdî hem zî hêzê demokrasîyî haştîye de israr kenê.”