Mazlûm Ebdî: Tirkîya çimeyê bingeyî yê mintiqa hedef girewtê

Fermandarê Pêroyî yê QSDyî Mazlûm Edbîyî dîyar kerd ke Tirkîya çimeyê bingeyî yê mintiqa hedef girewtê.

Fermandarê Pêroyî yê QSDyî Mazlûm Ebdî, derheqê hêrişanê Tirkîya de AFPyî rê qisey kerd. Ebdîyî dîyar kerd ke hêrişan de nîmeyê santralanê petrol û ceyranî xisar dîyo û vera hêrişan Emerîka zaf vengê xo nêkerd. Ebdîyî va, “Emerîka tena seba pawitişê mewzîyanê xo tayê çîyî kerdê la seba vindarnayîşê hêrişan çîyêk nêkerd.”

‘Nêşkayê QSDyî hehef bigerê’ 

Ebdîyî dîyar kerd ke Tirkîya seba ke averşîyayîşê QSDyî hedef bigera, çimeyî û awanîyî hedef girewtê û va, “Nêşkayê QSDyî raştaraşt hedef bigerê coka çimeyê bingeyî hedef gêrîyayê. Hêzê mintiqa; Emerîka, Koalîsyono Mîyanneteweyî û Rusya ganî hêrişan bivindarnê û seba ke tesîsê xisarinî newe ra bêrê viraştene paştî bidê.”

MERKEZÊ XEBERAN