Mehmet Ocalanî ra gazîya 4ê Nîsane

"Ma her kesî silaynenê Amara"

MAHMUT ALTINTAŞ MA / RIHA

4ê Nîsane de do Rayîrşîyayîşê Amara bêro viraştene. Mehmet Ocalanî va, “Ma 4ê Nîsane de her kesî silaynenê keyeyê serokî”.

Hetê DTK, DBP, HDP, TJA û MED TUHAD FEDî ra do 4ê Nîsane rojbîyayîşê Abdullah Ocalanî de darî bêrê ronayene û sey fînalî zî Rayîrşîayîşê Amara bêro viraştene.

Birayê Abdullah Ocalanî Mehmet Ocalanî her kesî silayna Amara. Ocalanî dîyar kerd ke, sey her serre ma emser zî her şarî ra merdiman pawenê.

Mehmet Ocalanî va, “Kesê ke serokî sînenê, ma înan 4ê Nîsane de silaynenê keyeyê Serokî. Wa bêrê ma pêro pîya rojbîyayîşê serokî pîroz bikerê. Ma her ca ra û her şarî ra merdiman pawenê. Helbet do sey her serre astengîyî bibê la reyna zî vera nê astengîyan ganî şar bêro tîya. Ma her kesî silaynenê Amara.”