Mintiqaya şewatî de cigêrayîş: Kurdistan bê daristan maneno

• Amed de mintiqaya şewatî de hetê endamanê Komeleya Ekolojî ra cigêrayîşî ameyê kerdene.

Endamanê Komeleya Ekolojî şîyê mintiqaya Hêneyî û tîya de mintiqayanê şewatî de cigêyaşî kerdê. Mintiqaya Pîrezîzî de 18ê Tebaxe de şewat vejîyabi û xeylê ca vêşabi. Hetê endamanê komeleye ra cigêrayîşî ameyê kerdene û welatîyan de pêvînayîşî bîyê.

‘Kurdistan bê daristan maneno’

Endamê Komeleya Ekolojî Murat Bîlgîçî dîyar kerd ke şewat de 12-15 hektar ca vêşayo û va, “Mintiqaya ke sînoranê Xarpêtî de mendo bi helîkopteran ameyo hewnakerdiş û cayanê bînan rê hetê dewijan ra mudaxele bîyo. Her roje şewatî vejîyenê û bin ê şewatan Kurdistan bê daristan maneno. Ganî verê nê şewat û talanî bêro girewtene.”

Bîlgîçî dîyar kerd ke hetê înan ra derheqê şewatan de raporêk ameyo hedrekerdiş û do raya pêroyîye de bêro parekerdene.

‘Însanan ser o zî xoza ser o zî tesîr keno’

Endamê komeleye Beytullah Ozdemîrî zî va, “Xora daristanê ma kêmî yê û bi nêd şewatan hîna kêmîyenê. Germîya globale tena tîya rê ney her car ê tesîr keno. Şarê na mintiqa debareyê xo bi wekekerdişê heywayan keno. Bi şewatan pêro însanî û xoza tesîrdar benê.”

‘Nîyo şoro do şar bar bikero’

Ozdemîrî derheqê şewatan de gazîya xesasîyetî kerde û va, “Ganî ekonomî bimintiqayî bêro awankerdene. Eke nîya dewam bikero, mintiqa ra do barkerdişî bibê. Ma ganî seba daristanan û xozaya xo xebatanê xesasîyetî biramnê.”

MA / AMED