Girewtişê 23 kesan Riha de ame protestokerdene

24 kesê ke Pirsûs de gêrîyaybî binê çimî, înan ra 23 kesî ameyê girewtene. 

27ê Adare de Pirsûsa Rihayî de hemserekê DBP û HDPyî zî tede 24 kesî gêrîyaybî binê çimî. Nînan ra 23 kesî ameyê girewtene. Girewtişê 23 kesan hetê TJA, HDP, DBP û Partîya Çep a Keske ra Riha de ame protestokerdene. 

‘Komploya sîyasî’

Malûmatî de Parlamenterê HDPyî yê Rihayî Omer Ocalan qisey kerd û va, “Riha de afatê erdlerze û laserî qewimîyayê. Herinda ke înan rê çareserîyan bivînê, vera partîyanê ma komployan kenê. Enbazanê ma m ara kesî vîzêr ameyê girewtene. Embazanê ma sîyaset kerdêne. No komployo û sey kayê tîyatroyî yo. Herinda ke probleman çereser bikerê, wazanê karanê ma yê sîyasîyan asteng bikerê.”

‘Ma do sere menê ro’

Ocalanî dîyar kerd ke, TEM hêverî dozger û hakimê dewa eyar kerdo dima embazî ameyê girewtene û va, “Her çîyî eyar kenê hema embazan genê. TEM, embazanê ma ra vano ‘Ma baş kay kenê’. Bi eşkera vanê. Ma nika senî bawerîya xo bi hiqûqî biyarê. Eke edalet bibîyêne Emîne Şenyaşar û Ferît Şenyaşar 2 serrî vernîya edlîya de nêgêrayêne ci. Ma do înan qebul mekerê. Ma do çirey vera nê tedayan sere menê ro.”

MA / RIHA