MSDyî ra gazîya dîalogî

• Hetê MSDyî ra serrgêra şerê Sûrîyeyî de seba çareserîye gazîya dîalogî ameye kerdene.

Meclîsa Sûrîye ya Demokratîke(MSD), serrgêra şerê Sûrîyeyî de malûmatêk da. Malûmat Qamişlo de Daîreya Têkilîyanê Teberî yê Îdareyê Xoserî de ame dayene. Metnê malûmatî hetê hemsereka MSDyî Emîne Omere ra ame wendene.

‘Rayîrê şorişî ame vurînayene’

Malûmatî de ame dîyarkerdiş ke, hereketê şarî bajarê Derayî de dest pêkerd û ame vatiş ke, “Rayîrê şorişê Sûrîyeyî ame vurînayene. Seba partîyanê ke eleqeyê xo bi ameyoxê şarê Sûrîyeyî çin a ame gurînayene. Hetêk ra zî serkewtişê tarîxîyî bi dest kewtê. Qalibê verên yê sîyasî û îdeolojîkî ameyê rijnayene.”

Omere dîyar kerd ke, MSD paştî dano waştişanê azadî û cuyêka birûmetî yê pêro şaranê Sûrîyeyî. 

Peynîya malûmatî de ame vatiş ke, “Ma gazîya yewîtîye kenê. Ganî komelo mîyannetewî goş bino waştişanê şarî yê haştîye, ewlehî û cuya birûmete ser o. Ganî pêro cîhetê demokratî seba çareserîya demokratîke mîyanê dîalogî de ca bigerê.”

MERKEZÊ XEBERAN