Muslîm: Bê xopawitişê meşrûyî çareyêkî Kurdan çin o

duşem 21 teşrînê 2022 - 11:17

Hemserekê PYDyî Salih Muslîmî hêrîşanê Tirkîya de va, “Bê xopawitişê meşrûyî çareyêkî Kurdan çin o.”

Hemserekê PYDyî Salih Muslîmî hêrîşê Tirkîya yê Bakur û Rojhelatê Sûrîyeyî erjnayê. Muslîmî va, “Hêrîşanê peyênan de Şehba ra heta Qendîl mintiqayêka hîra hedef gêrîyaya. Teyyareyî danê her cayî ro. Faz3izmê Tirkan o ke ganî ver de yo eşkeno her çî bikero. Do hêrîşe bikero û texrîb bikero. No zî bêçaretîye ci yo. Komploya Îstanbûlî nêtepişte. Planê cip uç bîyê. Dinya zana ke, na komplo senî hetê Soyluyî ra ameya viraştene.”

‘Wazena Kurdistanî veng bikera’

Salih Muslîmî va, “Seba ke Kurdan bitersnê hêrîşe kenê. Planê înan puç vejîyayê coka sey DAÎŞî hêrîşe kenê. Tirkîya bi teyareyanê şerî wazena şarî bitersna. Faşîzmê Tirkan timûtim pêroyê Kurdan sey dişmenî ramojneno. Bi hêrîşanê terorî wazeno Kurdistanî veng bikero. Bi nê hêrîşan nê çîyan hesab kenê û na zî gama înan a. Faşîzmê Tirkan ganî ver de yo. Bîyo xêx û dîyar nêbeno ke do çi bikero. Eşkeno her çî bikero.”

Xopawitişo meşrû

Muslîmî va, “Kurdî nê polîtîkayan ra haydar ê. Kurdî do bajaranê xo û dewanê xo veng mekerê. Ganî Kurdî leyeyê Kurdistanî de xo bipawê. Çi destê înan ra yeno ganî bikerê. Erdî ra îşxal do dest pêbikero, mekero ma nêzanê. Eke dest pêbikero, xopawitişê meşrûyî ra wet çareyê Kurdan çin o. Ganî pêro dinya wehşetê dewleta Tirke bivîna û vera ci vengê xo berz bikera. Eke veng mejejîyo, do faşîzmê Tirkan seba her kesî bibo taluke. Hêzê Kurdistanîyî do miheqeq xo bipawê, paştî bidê yewbînî û pêro pîya têbigêrê.”

MERKEZÊ XEBERAN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.