OHDyî derheqê tecrîdî de bultenêk hedre kerd

Komeleya Hiqûqnasan a Seba Azadîye derheqê tecrîdê Îmraliyî de bultenêk hedre kerd û hûmara verêne ya “Tecrit Bülteni” ameye weşanayene.

Hepisxaneyê Îmraliyî de Serekê PKKyî Abdullah Ocalan, Hamîlî Yildirim, Omer Hayrî Konar û Veysî Aktaşî raştê polîtîkaya tecrîdî yenê. Hetê OHDyî ra seba ke malumatî bidîyê raya pêroyîye bultenêk ame hedrekerdene.

Weşana bi nameyê “Tecrit Bülteni”, hesabê medyaya sosyale yê komeleye de ameye parekerdene.

Bultenî de şertanê Hepisxaneyê Îmraliyî ra ameyê behskerdee û bala ancîyaye sîstemê tecrîdê sîstematîkî ser o. Ame dîyarkerdiş ke no mekan seba Abdullah Ocalanî bi xususî ameyo awankerdene û behsê binpaykerdişanê heqanê bingeyîyan ame kerdene.

Adara 2021î ra nata xeberêke nîna girewtene

Ame vîrardene ke 2011î ra heta 2019î Abdullah Ocalan pêro pîya 5 rey awiqatanê xo de pêvînayîşî kerdê û 25ê Adare 2021î ra nata ci ra qet xebere nêameya girewtene.

Ameyo dîyarkerdiş ke Hamîlî Yildirim 29ê Adare 2015î de neqlê Îmraliyî bîyo û ê tarîxî ra nata awiqatanê xo de pêvînayîşî nêkerdê û tena 2 rey keyeyê xo de pêvînayîşî kerdê.

Bale ancîyaya muracato ke Komîteya Heqanê Merdiman ê NYyî rê ameyokerdene ser o. Hetê komite ra amebi waştene ke ganî rewşa incommunicado bêra wedartene û girrewteyî bieşkê awiqatanê xo de bi serbestî pêvînayîşan bikerê.

Ameyo dîyarkerdiş ke do bultenêk 15 rojan de hewêk bêro weşanayene.

MA / AMED