Ozturk: Ma do cewab bidê dişmenanê kurdan

çarşem 12 nîsanê 2023 - 22:47

  • Şarê Amedê bi girseyî şi vera namzetanê Partîya Çep a Keske.

Partîya Çep a Keske seba namzetanê Amedî veraşîyayîşêk organîze kerd. Namzetî hetê şarî ra ameyê girewtene û pîya seba akerdişê buroya weçînayîşî ameyê Ofîs. Namzetê Partîya Çep a Keske yê Amedî Berdan Ozturk, Halîde Turkoglu, Cengîz Çandar, Adalet Kaya, Serhat Eren, Mehmet Kamaç, Ceylan Akça Cupolo, Mehmet Emîn Aktar, Azad Bariş, Songul Aytek Avşar, Samet Menguç, îdarekarê HDPyî û xeylê kes akerdişê buro de ameyê têhet. 

‘Sîyasetê înan o gemarin qedîya’

Hemserekê DTKyî û namzetê Partîya Çep a Keske yê Amedî Berdan Ozturk akerdişî de qisey kerd û va, “Nînan waşt Kurdan biqedînê. Îqtîdarê faşîstî yê AKP-MHPyî waşt kurdan biqedînê. Ma xeylê çîyî vîyarnayê. Sîyasetê înan o gemarin qedîya. No weçînayîşêko tarîxî yo. Ganî Amed 12-0 bikero û cewab bido dişmenanê kurdan.”

‘Abdullah Ocalan rayîrê muzakereyî yo’

Ozturkî bale ante tecrîdî ser û va, “Birêz Ocalan rayîrê muzakereyî yo. Tek çare muzakere yo. Şima hende qetlîamî kerdê la Kurdî nêqedîyayê. Şarê Amedî do nê weçînayîşî de cewabê înan bido. Ne bi Îtîfaqê Miletî ne zî bi îtîfaqê  Cumhûrî, ma do bi sîyasetê rayîrê 3yinî demokrasîyî awan bikerê. Kesêc ke cuya têduşte û demokrasi wazenê do sindoqan de cewab bide nê sîyasetê puyayeyî.”

MA / AMED

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.