Verweçînayîşê DEM Partî do 13-14ê Çeleyî de bêro kerdene

90 namzetê DEM Partîye do bi verweçînayîşî bêrê dîyarkerdene û verweçînayîşê partî do 13-14ê Çeleyî de bêro kerdene.

Partîya Têduştî û Demokrasî ya Şaran (DEM Partî), namzetanê weçînayîşê 31ê Adare do bi verweçînayîşî dîyar bikera. 

Hesabê Xyî yê partî ra ame parekerdene ke do namzetê 90 cayan bi verweçînayîşî bêrê dîyarkerdene. Ame dîyarkerdiş ke verweçînayîş do 13-14ê Çeleyî de bêro kerdene.

Parekerdişî de nê çîyî ameyê vatene:

“Partîya ma do namzetanê 90 cayan 13-14ê Çeleyî de bi verweçînayîşî dîyar bikera. Nêzdîyê 100 hezar kesî do şorê sindoqan ser û namzeteanê partîya ma dîyar bikerê. Lîsteyê delegeyan  hetê rêxistinanê bajar û qezayan ra ameyê daliqnayene. Lîsteyî do heta 11ê Çeleyî roja Pancşemeyî daliqnaye bimanê. Kesê ke wazenê lîsteyan rê îtîraz bikerê, eşkenê muracatê komîsyonanê weçînayîşî bikerê.”

MERKEZÊ XEBERAN