Pêşmergeyê Dêrînî: PDK îxanetanê xo pîl keno

şemî 3 îlonê 2022 - 16:21

Pêşmergeyê Dêrînî Abdullah Çalakî va, “PDK seba ke îqtîdarê xo biramno, amade yo ke îxanetanê hîna pîlan bikero.”

Pêşmergeyê Dêrînî Abdullah Çalakî derhheqê îxanetanê PDKyî de erjnayîşî kerdê. Abbullah Çalakî va, “Partîyê Kurdistanê Başûrî girêdayîyê eşîran ê. Înan timûtim xo mîyan de şer û îxanetî kerdê. Keyeyê Barzanîyan 1975î de badê aşbetalî nêagêrayê Kurdistan û înan va hewcedarîya m abi şorişî nêmenda. PDK tim verê fermananê dişmanan de ca girewt û înan vera muxalîfanê xo sey çeke gurîna.

Tucaro sîyasî

Abbullah Çalakî dewamê qiseyanê xo de va, “PDK bi îxanetê 31ê Tebaxe sereberz o. Goreyê ey no serkewtişêk o. Kurdî seba înan muhîm nîyê. Nê tucarê sîyasîyî binê bandorê hêzanê mîyannetewîyan û menfeatperestan de yê. PDKyî xeylê kesî yesîr girewtê û qetil kerdê. 70 gerîlayê PKKyî şehîd bîyê. Problem no yo ke, seba ke nê îxanetî bêrê şermezarkerdiş kongreya neteweyî nêameye viraştiş. Îxanetê PDKyî ewro zî dewam kenê. PDK hedre yo ke seba îqtîdarê xo îxanetanê pîlan bikero. PDK wazeno bi îxanetanê xo Kurdistanê Başûrî leteyanê bînan ra biqerifno.”

31ê Tebaxe 1996î de se bibi

Seba ke YNK Hewlêr de hêza xo zêdîna, bi dewetê KDPyî Seddam Huseyîn 31ê Tebaxe 1996î de bi top, tanq û 30 hezar eskerî kewt Hewlêr. 22yê Tebaxe 1996î de hetê Mesut Barzanîyî ra Seddam Huseyînî rê mektubêk amebi erşawitiş û dewetê Hewlêrî bibi. Netîceya şerî de 450 endamê YNKyî merdê û xeylê kesî zî birîndar bîyê.

ROJNEWS / SILÊMANÎ

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.