Qamişlo de seba Abdullah Ocalanî rayîrşîyayîş ame kerdene

Hetê şarî ra ame dîyarkerdiş ke heta zadîya fizîkîya Serekê PKKyî Abdulah Ocalanî do xo ver bidê.

Qamişlo de bi waştişê azadîya Serekê PKKyî Abdullah Ocalanî rayîrşîyayîş ame kerdene. Girse bi sloganana heta Komîserîya Penaberan a Neteweyanê Yewbîyayîyan rayra şi.

‘Gazîkerdoxê haştîye hucreyêk de yo’

Tîya de payravindertişê hurmetî ame kerdene. Dim abi nameyê Îdareyê Xoserî yê Mintiqaya Cizîrî Hemserekê Sazîya Karanê Zereyî Kenan Berekatî qisey kerd û va, “Rayber Apo, 25 serrî yo fikranê xo û felsefeya xo dano xizmetê şarê xo û ey ser de tecrîdêko giran yeno ramitene. Wa pêro dinya bizano ke Rayber Apo tena nîyo, çunke bi mîlyonan kesî Rayber Abdullah Ocalanî reyde yê. Gazîkerdoxê haştîye hucreyêka yewkesine de yo la dîktatorî serbest ê. Şima qey Rayber Abdullah Ocalanî berpirsîyarîyanê xo yê qanûnîyan nêanê ca.”

Gazîya xoverdayîşî

Peynîya qiseykerdişê xo de Berakatî şaran rê gazîye kerd ke wa seba azadîya Abdullah Ocalanî xoverdayîşê xo pîl bikerê û va, “Rayber Abdullah Ocalan pêro şaran temsîl keno. Eke Rayber Ocalan biraso azadîya xo do Hewlêr, Qamişlo, Mahabad û Amed zî bixelisîyê. Ma ganî sey wezîyefa neteweyî seba azadîya ci xoverdayîşê xo biramnê.”

MERKEZÊ XEBERAN