Qeymaqamîya Cizîrî kayê ‘Mem û Zîne’ betal kerd

duşem 7 adarê 2022 - 21:18

  • Kayê ‘Mem û Zîne’ do 12ê Adare de Cizîr de biameyêne kaykerdene la kay hetê qeymaqamtîye ra ame betalkerdiş.

Kayê ‘Mem û Zîne’ do 12ê Adare de Cizîr de biameyêne kaykerdene la kay hetê qeymaqamtîye ra ame betalkerdiş.

Kayê ‘Mem û Zîne’, hetê Şermola Performansî ra ameyo hedrekerdiş. derhênerê kayî Mîrza Metînî va, “Zîhnîyetê pêro qeyûman eynî yo û tehemûlê înan Kurdkî rê çino.” Şermola Performansî no derheq de malûmatêk weşana û înan va, “Kayê ma yê ‘Mem û Zîne’ bîlasebeb hetê qeymaqamtîya Cizîrî ra ame betalkerdiş. Ma xeylê wextî ra nat hedreyîya kayî vînenê. Ma broşurî kerdibî vila, ma medyaya sosyale ser ra malûmatî vila kerdibî û ma kiraya eywane zî dabî. 6ê Adare de înan xebere da ma ke kayê ma ameyo betalkerdiş. Kayê ma 3ê Teşrîna peyêne ya 2021î ra nat, D3iyarbekir, Êlih, Riha, Qoser û zaf cayanê bînan de 13 rêyî ame kaykerdene û raştê eleqayêkê pîlî ame. Kayê ma de bingeyê mîtolojîkî zî esas gêrîyayê. Ma sey çimeyî zî vatişê Dengbêj Resoyî weçînayo.”

‘Kurdkî rê tehemûlê înan çino’

Mîrza Metînî va, “Zîhnîyetê qeyûman ver kayê ma ame betalkerdiş. Înan derheqê betalkerdişî de sebebêk zî îzeh nêkerdo. Tehemûlê înan Kurdkî çino. Ça de çalakîyêka Kurdkî biba, vera nînan eynî tewir têgêrenê.”

MA/ŞIRNEX

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.