21 dezge û komeleyan ra îzeheto şerîk

Nê dezge û komeleyan vera qedeqeyanê tîyatro û konseran va, “Ma do vera qedexeyan timûtim ziwanê xo bipawê.”

Mîyanê nê komele û dezgeyan de, Tora Ziwan û Kulturî, Merkezê Kulturî yê Mezopotamyayî û Enstîtuya Kurdî ya Îstanbûlî zî estê. 21 dezge û komeleyan, vera qedeqeyanê konser û tîyatroyan îzahetêko şerîk da. Nînan va, “Ma zanê ke sebebê qedexekerdişan pêro mehne yê. Eslê xo de, ê tehemulê ziwan û kulturê Kurdan nêkenê. Nêwazenê Kurdî wayîrê erjanê xo bivejîyê.”

Ma do qedexeyan rê bibê cewab

Dezge û komeleyan îzaheto şerîk de va, “Ma do vera nê qedexeyan, her ca de ziwanê xo qisey bikerê, her wext deyîranê xo vajê û qedexeyan rê bibê cewab. Nê hêrîşî mela cehdê ma bizêdînê. Kurdî do ziwan û kulturê x ora fek rameverdê. Ma do her ca de wayîrê ziwanê xo bivejîyê.”

Dezge û komeleyê ke îzahetî de ca girewtê nê yê:

Tora Ziwan û Kulturê Kurdkî, Merkezê Kulturî yê Mezopotamyayî, MED-DER, Enstîtuya Kurdî ya Îstanbûlî, Enstîtuya Kurdî ya Dîyarbekirî, ARSÎVA, Komeleya Edebîyatkaranê Kurdan, ARÎ-DER, Komeleya Birca Beleke, AVESTA, FERAT-DER, Platformê Komeleyanê Rojhelatê Başûrî û Rojhelatî, Federasyonê Komeleyanê Mûşî, Federasyonê Komeleyanê Şîrvanî, Federasyonê Komeleyanê Wanî, Federasyonê Komeleyanê Îdirî, Federasyonê Komeleyanê Êlihî, Federasyonê Komeleyanê Xarpêt û Depî, Platformê Patnosijan ê Îstanbûlî, Kovara Destarî û Komeleya Ekolojîyî.

MA / ÎSTANBÛL