Mehkemaya Qanûnê Bingeyinî, cezaya ‘ziwanê dayîke’ heqdare dîye

şemî 30 tîrmehê 2022 - 14:40

Egîtîm-Senî 21ê Sibate Roja Ziwanê Dayîke ya Dinyaye de endamanê xo rê gazîya qasê saetêk perwerdeyê dersa Kurdkî kerdibî. Cezaya dîsîplînî dîyaybî endamanê dersdayoxan.

Mehkemaya Qanûnê Bingeyinî, cezaya ‘ziwanê dayîke’ heqdare dîye. Egîtîm-Senî 21ê Sibate 2016î de, seba ke Roja Zİwanê Dayîke bî endamanê xo rê gazîya qasê saetêk dayîşê perwerdeyê dersa Kurdkî kerdibî. 22 mamosteyan Dîyabekir Licê, Sûr û Qezaya Bajarê Neweyî de dersa Kurdkî dabî domanan. Derheqê nê mamosteyan de cigêrayîş ame dest pêkerdiş û cezaya şermezarkerdişî dîya înan. Mehkemaya Îdareyî ya Dîyarbekirî vatibî na çalakîye, mîyanê faalîyetanê sendîkayî yê û waşt cezayî betal bibê. Dewa dima Dîlokî de ameye akerdene. Mehkemaya Îdareyî ya Dîlokî va, no faalîyeto sendikal nîyo, teberê mufredatî de derse ameya dayene. Egîtîm-Senî no qerar berd Mehkemaya Qanûnê Bingeyinî. Muraceatî de ame vatiş ke, heqê ma yê sendîkalî binpay bîyê.

‘Perwerdeyo Tirkî bidê, dewlete rê sadiq bê’

Mehkemaya Qanûnê Bingeyinî muraceatê Egîtîm-Senî red kerd. Mehkema va, “Tirkîya de ziwanê perwerdeyî Tirkî yo û na rewşe bi qanûnê 142yinî gêrîyaya binê hukmî. Bi goreyê qanûnî wendegehan de bê Tirkî, ziwanêko bîn sey ziwanê dayîke nêşkeno bêro dayene.” Mehkema bale ante berpirsîyarîya sedaqatî. Mehkemaya Qanûnê Bingeyinî, bi temamîyê reyan cezaya meaşe birnayîş û şermezarkerdişî heqdare dîye.

ANF / ENQERA

 

 

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.