QSDyî derheqê hêrişanê Tirkîya de malumatêk da

QSDyî dîyar kerd ke ê qerardar ê ke mintiqaya biewle awan bikerê.

Fermandarîya Pêroyî ya QSDyî derheqê hêrişanê Tirkîya de malumatêk da. Ame dîyarkerdiş ke Şehba, Minbîc, Eyn Îsa û mintiqaya Cizîrî raştê hêrişan ameyê.

Malumatî de ame vatiş ke, “Hemwelatîyî, cinî û domanî bîyê hedefê hêrişan û 3 hemwelatîyî şehîd bîyê û 4 hemwelatîyî zî birîndar bîyê. Tirkîya seba ke eskeranê xo mintiqa de tepişa wazena muqaveleyan bigurîna. Wazenê hêzanê netewîyan zeîf bikerê. Ganî pêro cîhetê Sûrîyeyî bizanê ke bin ê hêrişan wazenê hîna zaf cayan îşxal bikerê.”

‘Ma vera hêrişan şarê xo reyde xo ver danê’

Dewamê malumatî de ame vatiş ke, “Ma hişmandîya neteweyî ya şarê xo selam kenê. Vera hêrişan muhîmîya xoverdayîşî ameyo famkerdene. Hêrişê Tirkîya û sûcê ci do bêcewab memanê. Hêzê ma do seba awankerdişê mintiqaya biewleye û ameyoxê biewleyî hîna zêde qerardar bibê.”

MERKEZÊ XEBERAN