Rewşa nivşa Zyî ya Kurdan

Nûçeyên Komel û Cuye

çarşem 2 adarê 2022 - 19:32

  • Spectrum House nivşa Zyî ya Kurdan ser o cigêrayîşêk viraşto. Nivşa Zyî ya Kurdan vana, ma tehda vînenê, ma wazenê şêrê teber, bêkarî ver ma zaf zehmetîyan ancenê.

Spectrum House nivşa Zyî ya Kurdan ser o cigêrayîşêk viraşto. Nivşa Zyî ya Kurdan vana, ma tehda vînenê, ma wazenê şêrê teber, bêkarî ver ma zaf zehmetîyan ancenê.

Spectrum House, seba famkerdişê dînamîzmê ciwananê Kurdan, seba ke biwaza tercîhanê înan ê sosyopolîtîk û sosyokulturîyan bimusa cigêrayîşêk viraşto. Ekîba cigêrayîşî, Dr. Azad Bariş, Dr. Tulin Johansson, Zekî Gurur, Ebrû Ozdemîr, Ozgur Oktem, Hunav Altûn û Dr. Bariş Oktemî ra yena pê. Cigêrayîş bi 1012 ciwanan rey de ameyokerdiş. Cigêrayîş bi pêvînayîşanê rî bi rîyan virazîyayo. Di mintiqayan de ameyo kerdiş, bajaranê rojawanî û bajaranê Kurdan de. Kurdistan de bajarê sey, Dîyarbekir, Wan û Şirnexî de bîyo. Rojawan de zî bajaranê sey, Îstanbûl û Izmîrî de bîyo. 

Cigêrayox mîyanê ciwananê 18-25 serrîyan de virazîyayo. %52yê beşdaran cinî yê, %48ê beşdaran camêrd ê. %57ê beşdaran mezûnê lîse yê, %20,4ê beşdaran mezûnê zaningehî yê û %21,7ê beşdaran zî mezûnê mektebe mîyanênî yê. Nînan ra ame perskerdiş ke aşme de çiqas pereyi kewenî şima dest. Vejîyayo meydan ke ciwanî raşta zî halêkî xirabî de yê. Nînan ra pers bîyo ke ê roje de çend saete televizyon temaşe kenê. %28ê nînan v ama qet temaşe nêkenê. Vejîyo meydan ke, mîyanê ciwananê Kurdan de tmaşekerdişê teevîzyonî çend şêro kêmîyeno. %86ê nînan va ma rojnameyo çapkerde nêwanenê. Êyê ke wanenê, nînan va ma tewr zêde rojnameyê Yenî Yaşamî wanenê. Tena nînan ra %5,4î v ama înternetî nêşuxilnenê. %48ê nînan va ma malûmatanê rojaneyan medyaya sosyale ser ra genê. %35ê ciwananê Kurdan v ama qet kitaban nêwanenê. Zaferîyê nînan vat oma cuya xo ra memnûn nîyê. %63yê nînan va ma seba cuyayîşî Tirkîya cayêko ewle nêvînenê. Reyna zaferîyê nînan wazenê teberê welatî de bicuwîyê. %64ê nînan vanê ma Serekkomarî ra memnûn nîyê. Zaferîyê nînan zawenê wayîrê karîyerêkî başî bibê û teberê weatî de bicuwîyê. Ciwanê Kurdan vanê ma hinî cîyavînayîş û polîtîkayanê şerî ra bêzar kerdo. Ciwanî xo sey Kurdî vînenê û wayîrê nasnameyê xo vejîyenê. %86ê ciwanan vat oma keyeyanê xo de Kurdkî qisey kenê la ekserîyê nînan bi Tirkî cewab dayo. Vejîyeno meydan ke keyeyan de hem Kurdkî hem Tirkî yenê qiseykerdiş. %61ê ciwanan vanê ma raştê tehda û cîyavînayîşî yenê. Vejîyayo orte ke %75ê ciwananê Kurdan vanê bawerîyêka mi esta. La %52ê ciwanan xo sey dîndaran nêvînenê. Tena %19ê ciwanan va siyaset bala ma anceno. Zaferîyê nînan xo Hdpyî ra nêzdî vînenê û eqsê verî nika tayê ciwanî zî xo Akpyî ra ney Chpyî ra nêzdî vînenê. %35ê ciwanan va ma weçînitişê Serokkomarîye de reya xo danê Selahattîn Demîrtaşî. Ê vanê eke weçînitiş tura 2yine rê bimano, ma o wext raye danê Ekrem Îmamoglûyî. Înan vato ganî serekê nê welatî, bêteref, demokrat, entelektuel û ciwan bo. reyna înan vato eke qewetê ma bibo ma wazenê sîstemê nê welatî bibedilnê. 

Raşta zî netîceyê nê cigêrayîşî de, derheqê fikirîyayîş û zîhnîyetê nivşa Zyî ya Kurdan de maûmatê balkêşî vejîyayê meydan. Ganî dezge û partîyî na rewşe bigerê verê çiman, bi no gore projeyan bifikirê û ciwananê Kurdan fam bikerê. 

GAZETE KARINCA

parvê bike

Nûçeyên ku dikare bala we bikşîne

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.