Dewa Kok-Yangake

Nûçeyên Rêzexeberê

çarşem 26 Çileyê 2022 - 07:55

  • Dewa Kirgizîstanî ya Kok-Yangake, nêzdîya 50 serrî kurdan rê bîye cayê xo pawitişî. Tarîxê na dewe zaf balkêş o.

Dewa Kirgizîstanî ya Kok-Yangake, nêzdîya 50 serrî kurdan rê bîye cayê xo pawitişî. Tarîxê na dewe zaf balkêş o.

Dewa Kok-Yangake, bi taybetî 1937-38î de seba keyeyanê Kurdan bîye cayê îskanî. Na dewe ra şexsîyetê sey; Tara Memedova, Îbrahîm Seîdov û Elî Barîyevîçî vejîyayê.

122 keyeyê Kurdan ameyê surginkerdiş

Hukmatê Moskowayî serranê 1930an de bibi merkezî û verba kamîyanê etnîkan polîtîkayê xo bedilnabi. Nê çarçeveyî de tayê miletî sey casûsî ameyê sucdarkerdiş û ameybî surginkerdiş. Kurdî zî mîyanê nê miletan de bî. 7ê Temmuze 1937î de bi qerarêk 1325 Kurdî sînoranê Ermenîstan û Ezerbeycanî ra ver bi mintiqayanê zereyî ser ameybî surginkerdiş. Goreyê belgeyanê Sovyetan nê 1325 kesan ra 812 kesî erşawîyaybî Kirgizîstan. Meqsed înan no bi ke ê tîya de karanê giranan de bixebitî. Nê Kurdan ra 122 keyeyî mintiqaya Celal-Abadî de dewa Kok-Yangake de ca bibî.

Madenan de ameyê xebitnayîş

Kurdî na dewe sey ‘Kokan’ name kerda. Kok-Yangake Kirgizkî de yena manaya ‘Goza Keweye’ û tîya bi komirê xo yê kerrayî namdar o. Surginbîyayîşê Kurdan zî girêdayîyê nêyî yo. Dewe bi qerarê Sovyetan 1943yî de bîyê bajar. Bado ke Sovyetî ameyî rijîyayîş Kirgizîstanî de zî keşmekeşêk qewimîya. Kurdî û Kirgizî kewtê yewbînan û xeylê Kurdî uca ra vejîyayê. Nê keyeyan ra yew zî keyeyê Tara Mamedovaye yo. Keyeyê Mamadovayî, surginê xeylê cayan bîyo û peynî de ameyê hetê Erîvanî de bi ca bîyo. Maya Taraye vere cû Kirgizîstanî de Merkezê Hunerî yê Elegezî awan kerdibî û tîya de perwerdeyê Kurdkî dabî domananê Kurdan. Tesîrê aye keynaya xo ser de zî xeylê bîyo.

MA/ÎSMET KONAK

parvê bike

Nûçeyên ku dikare bala we bikşîne

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.