Rêxistinê Perwerdeyî yê Mîyanneteweyî: Hêrişê Tirkîya firset danê DAÎŞî

Rêxistinê Perwerdeyî yê Mîyanneteweyî (El) dîyar kerd ke hêrişê Tirkîya firset danê DAÎŞî ke newe ra faalîyetanê xo bizêdîno û sazîyanê têkildaran rê gazîye kerd ke vera rewşe têbigêrê.

Sekreteyê Pêroyî yê Rêxistinê Perwerdeyî yê Mîyanneteweyî Davîd Edwardsî derheqê hêrişanê Tirkîya de eşkerayîye daye. Edwardsî va, “Hêrişanê dewleta Tirke sivîlan û awanîyanê sivîlan ser de bandorê xirabî kerdê. Îstasyonê awe, nêweşxane û wendegehî hedef gêrîyayê. 48 wendegehan de perwerde vindert û 8 hezar û 458 wendekarî nêşkayê şorê wendegehan. Hêrişanê Kurdistanê Başûrî ver zî xeylê sivîlan erdê x ora bar kerd.”

’11 kesan cuya xo vîndî kerde’

Eşkerayîye de nê çîyî ameyê vatene: “Ez bi nameyê Rêxistinê Perwerdeyî yê Mîyammeteweyî nusena. Na sazîye, 180 welatan de (380 senqîqayê neteweyî) warê perwerdeyî de 32 hezar û 500 mamoste û xebatkaran temsîl kena û sazîyêka global a. Mîyanê rêxistinî de Yewîtîya Mamosteyan a Kurdistanî û Yewîtîya Mamosteyan a Bakur û Rojhelatê Sûrîyeyî zî ca genê. Ma hukmatê Tirkan rê gazîye kenê ke wa cade hêrişanê xo yê hewayî bivindarno. Ma hêrişanê pêyênan ê Tirkîya şermezar kenê. Hêrişan 36 sivîlan rê bandor kerd. 2yê înan domanî 11 kesan cuya xo vîndî kerde. Eyn Îsa de hêrişa bombayî de bi nameyê Nadiya û Elî Eyaşî 2 domanan cuya xo vîndî kerde.

224 hêrişî ameyê kerdene

Bakur û Rojhelatê Sûrîyeyî rê 224î ra zêderî hêrişî ameyê kerdene. Îstasyonê awe, nêweşxaneyî û wendegehî hedef gêrîyayê. 48 wendegehan de perwerde vindet û 8 hezar û 458 wendekarî nêşkayê şorê wendegehan. Kurdistanê Başûrî de hêrişan ver sivîlan erdê x ora bar kerd. Bi nê hêrişan, hiqûqo mîyanneteweyî yeno binpaykerdene. Muqaveleyê Cenevreyî yo 4in, merkezê perwerdeyî zî tede pawitişê sivîlan gêno binê garantîyî. Yeno dîyarkerdiş ke, eke binpaykerdişî bibê do cezayî bêrê dayene.

Wa sazîyê têkildarî têbigêrê

Ma qisawetan kenê ke problemanê ewlehîye ver DAÎŞ reyna agêro mintiqa. Nê hêrişî firset danê DAÎŞî ke reyna rêxistin bibê û çalakîyanê terorî bizêdînê. Rêxistinê Perwerdeyî yê Mîyanneteweyî do îxlalan teqîb bikero, belge bikero û raporanê xo pêşkêşê Konseyê Heqanê Merdiman ê NYyî û sazîyanê têkildaran bikero. Ma sazîyanê têkildaran rê gazî kenê ke wa ver ana rewşe têbigêrê.”

MERKEZÊ XEBERAN