Rognamegera Îtalyane: Şorişê 19ê Temûze hêvîya merdimîye ya

• Rojnameger Benedetta Argentieri: Tirkîya wazena verê şorişî bigera, ganî her kes wayîrê şorişî bivejîyo.

MISTEFA ELO / ANHA 

Benedetta Argentieri va, “Tirkîya wazena verê şorişî bigera, ganî her kes wayîrê şorişî bivejîyo.”

19ê Temûze serrgêra şorişê Rojavayî ya. Seba ke pîrozkerdişan û bandorê şorişî teqîb bikerê xeylê rojnamagerî, roşnvîrî û  dîplomatî Bakur û Rojhelatê Sûrîyeyî zîyaret kenê.

Benedetta Argentieri rojnamegera Îtalyan a û xeylê reyan ameya Rojava û xususen narey şîya Reqa û Taqba û derheqê 10 serranê şorişî de fikrê xo ardê ziwan.

‘Şarî xeta hîrêyine weçîna’

Rojnameger Benedetta Argentieri va, “19ê Temûze 2012yî de Kobanî rejîmî ra ame xelisnayîş û no şorişî de destpêk bi. Zaf eşkera bi ke Kurdî nêkewenê mîyanê muxalefetî. Înan xeta hîrêyine weçîna. Kurdan va ma xo îdare kenê. Şorişê Rojavayî de qismo dîyin bi Hêrîşanê Daîşî destt pêkerd. Çimkî o wext dinya zana ke Sûrîye de şorişêk esto û Kurdî vanê ma wayîrê îradeyê xo vejîyenê. Dinya bi Şorişê Rojavayî xoverdayîşê Kurdan ra hîna zêde xeberdar bî.”

‘Tirkîya û Daîş seba şorişî talukeyê pîl ê’

Benedetta Argentieri va, “şorişî de qismo hîreyin, qismêko tewr talukeyin o. Daîş hetê eskerî ra binkewt. Bê çekan teber ra zaf paştî nêdîya Rojava û Tirkîya wazena şorişî binbifîna. Rojava de ganî hema zaf çîyî xurt bibê. Tayê problemî asan ê, lez safî benê la tayê zî zehmet ê û înan rê wext û xebatî lazim ê. Binê gefanê Tirkîya û problemê Daîşî ver çareserîyî erey kewenê. Şorişê Rojavayî dinya rê bi hêvîyêk. Bi nê xoverdayîş û şorişî vengê Kurdan û xoverdayîşê înan vengê xo hîna kerd berz. Bingeyê şorişî îdeolojîyê rayber Ocalanî yo. Ganî her kes wayîrê Şorişê Rojavayî bivejîyo.”