Rojhelatî de hêzê paramîlîterî ameyê cakerdiş

Yeno dîyarkerdiş ke hetê rajîmê Îranî ra milîsê Besîcî erşawîyayê mîyanê şarî.

Goreyê malûmatanê rêxistinanê heqanê merdiman, bajaranê Rojhelatî yê Sinê, Kirmaşan û Mahabadî de vîzêr hewt kesî ameyê qetilkerdiş.

Goreyê xeylê çimeyan, heta nika bajaranê Rojhelat û Îranî de heta nika 200 ra zêder kesî ameyê qetilkerdiş. Yeno dîyarkerdiş ke bîlançya raştikêne hîna giran a.

Dîmenan ra aseno ke bajaranê Kurdan de şar hetê milîsanê Besîcî ra raştê şîdetî yeno. Besîcî girêdayîyê muhafizanê şorişê yê û hêzê paramîlîter ê. Seba ke serewedartişî bêrê vilakerdiş, ê sey çekî yenê gurînayîş.

Hetê di çimeyan ra malûmat dîyayo Reutursî û înan vato Sinê de Besîcî hêzanê dewlete reyde hêrîşa şarî kenê. Çimeyan ra yewî vato hetê rejîmî ra bi hezar polîs û milîsî kirişîyenê Rojhelat.

Eynî çime dîyar kerdı ke, milîsanê Besîcî Sinê û Banê de guleyî varnayê şarî ser. Çimeyî vato, “Seqiz de rewşe hîna xirab a. Hetê milîsan ra guleyî yenê varnayene.”

Goreyê malûmatan, bajaranê Rojhelatî de bi seyan polîsan eşto keyeyan ser û xeylê ciwanî gêrîyayê binê çimî.

MERKEZÊ XEBERAN