Îran de 7 girewteyê kurdî ameyê dardekerdene
în 17 adarê 2023 - 16:41
Ame dîyarkerdiş ke hetê rejîmê Îranî ra serê sibayî 7 girewteyê kurdî ameyê dardekerdene.
Rejîmê Îranî Hepisxaneyê Merkezî yê Urmîyeyî de girewteyo sîyasî Mohiuddin Ebrahîmî serê sibayî dardekerd. Girewteyo sîyasî yo kurd Ebrahîmîyî 2 rojî cûwaver keyeyê xo reyde reya peyêne pêvînayîşêk kerdibi û vatibi seba ke ey darde bikerê berdo hucreya yewkesine. Xebere dîyaya keyeyê ci ke o ameyo dardekerdiş.
Ameyo dîyar kerdiş ke 5 kesê bînî bi sûcdarîya qeçaxçîtîye û girewteyêko bîn zî ameyê dardekerdene.
Sereyê na serre ra nat hetê rejîmê Îranî ra tewr kêmî 145 kesî ameyê dardekerdene. Yeno vatene ke beno ke hûmara dardekerdeyan hîna zêde biba.
MERKEZÊ XEBERAN