Salih Muslîm: Nato do vera terorî sernêkewo

• Hemserekê Salih Muslîmî va, “Nato do bi polîtîkayanê xo yê vera Kurdan nêeşko serbikewo.”

Hemserekê Salih Muslîmî va, “Nato do bi polîtîkayanê xo yê vera Kurdan nêeşko serbikewo.” 

Kombîyayîşê Natoyî yê Medrîdî do ewro biqedîyo. Ameyêne pawitiş ke derheqê şerê Rusya û Ukraynayî de qerarî bêrê girewtiş la vera Kurdan qerarî ameyê girewtene. Derheqê qeraran de PKKyî malûmatêk weşana.

PKK: Vera Kurdan îlanê dişmenatîye 

PKK malûmatê xo de va, “Nato bi stratejîyê xo yê hîrabîyayîşî destvisteyanê Kurdan xo rê keno malzeme. No vera Kurdan îlanê dişmenatîye yo. Demokrasîyê rojawanî vejîyayo meydan. Qet yew qewetê dinya nêşkeno nê şarî binbifîno. Tirkîya vera şerê azadîyê de nêşkena vindera û xo rê paştî gêrena.”

‘Bê Kurdan kes nêşkeno şer bikero’ 

Hemserekê PYDyî Salih Muslîmî va, “Tirkîya qetlîamanê xo rê gêrena paşte. Nato nika wayîrê stratejîyî yo. Vera terorî şerkerdiş seba ci zaf muhîm o. Eke vera terorî şer bêro kerdiş, bê Kurdan kes nêşkeno şer bikero. Kurdan xo îspat kerdo. Kurdî terorîst nîyê û vera terorî şer kenê. Nato zî ney zaneno. Projeya Natoyî ya Rojhelatê Mîyanênî yê pîlî 2001î de dest pêkerde. Goreyê plananê înan vera Kurdan çîyêk çin o. Eke Nato vera Kurdan qeraran bigero, Nato hem beno zeîf hem zî şerê vera terorî sernêkeweno.”

ANHA/HESEKÊ