Seba ‘Rayîrşîyayîşê Azadîye’ gazîye ameye kerdene

çarşem 5 Çiriyê 2022 - 08:21

  • Vera komploya 9ê Teşrîna Verêne do Kadikoy de çalakîya ‘Rayîrşîyayîşê Azadîye’ bêro kerdene.

Hetê HDK, HDP, DBP, TJA, OHD, MKM, ANYAKAYDER, MATUHAYDER û DADî ra verê komploya mîyannetewîye ya 9ê Teşrîna Verêne malûmatêk ame dayene. Malûmat awanîya HDPyî ya Îstanbûlî de ame dayene. 

MUTUHAYDERî ra Kalo Bozukmakî va, “Komploya ke Abdullah Ocalanî rê ameye kerdene ver hêvîya şaran hedef gêrîyaye. Binpaykerdişê zindanan ramojnenê ke tecrîd bîyo komelkî. Ma nêşkenê nînan komploye ra cîya bifikirîyê. Ma ganî tecrîdê Îmraliyî bişiknê û raya azadîye abikerê.”

Rayîrşîyayîşî rê gazîye

Îdarekara DBPyî Dîlber Demîre va, “Ma nêşkenê hêrîşan komploye ra cîya bifikirîyê. Ganî tecrîd bêro kikitiş û fikrê Abdullah Ocalanî birasê şarî. Ma do serrgêra komploye de çalakîyan bivirazê. Roja Yewşemeyî do Kadikoy de saate 15.00î de çalakîya ‘Rayîrşîyayîşê Azadîye’ bêra kerdene.”

Muxetabê çareserîye Ocalan o

Hemsereka HDPyî ya Îstanbûlî Îlknur Bîrole va, “Komploya 9ê Teşrîna Verêne ver vurîyayîşê tarîxîyî qewimîyayê. Meseleya Kurdan de polîtîkayê ewlehîye kewtê kar û nê polîtîkayan ver heq û azadîye yenê înkarkerdiş. Seba çareserîya probleman ganî Abdullah Ocalan muxebat bêro girewtene. Nêwazenê metodê demokratîkî kar bikerê. Nêwazenê fikre Abdullah Ocalanî birasê şarî. Ganî tecrîd sey îzolekerdişî meyero famkerdene. No konseptê ewlehîye yo û sey rejîmî ameyo awankerdene. Tecrîd pêro hepisxaneyan ra vila bîyo. Hepisxaneyî bîyê mergxane.”

MA / ÎSTANBÛL

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.