Serêkanîyê de tena 50 kurdî û 7 xiristîyanî mendê

Serêkanîye de 150 hezar kesî bi zor koçber bîye.

9ê Teşrîna Verêne 2019î de Tirkîya bi paramîlîteranê xo kewt Girê Sipî û Serêkanîyê û o wext ra nat 150 hezar kesî bi zor koçber bîyê. Nê kesî mintiqayanê Cizîr û Feratî ra vila bîyê. 

Goreyê malûmatanê Komîteye Koçberan a Serêkanîyê, kesê ke koçber bîyê kampanê Serêkanîyê, Waşûkanî, Newroze û Til Semînî de manenê.

Malûmatanê kampan gore, Kampa Serêkanîyê de 2 hezar û 575 keyeyî, Kampa Waşûkanî de 2 hezar û 262 keyeyî, Kampa Til Semînî de 8 keyeyî û Kampa Newroze de zî 2 hezar û 709 keyeyî manenê.

Yeno dîyarkerdene ke se ra 85î yê şarê Serêkanîyê koçber bîyo. Reyna goreyê malûmatan bajar de tena 50 kurdî û 7 xiristîyanî mendê. 

Êzidî yê ke Serêkanîyê de 16 dewan de mendêne qet nêmendê. Etnîsîteyê bînî zî bi zor menbûrê koçkerdişî mendê.

MERKEZÊ XEBERAN