Serekê Baroya Amedî: Ma prosesê tecrîdî teqîb kenê

Serekê Baroya Amedî Nahît Erenî derheqê tecrîdî de dîyar kerd ke, hetê TTByî ra muracat ameyo kerdene û va, “Ma prosesî teqîb kenê.”

Vera Serekê PKKyî Abdullah Ocalan û girewteyanê bînan tecrîd dewam keno. Nobeta Edaletî dewam kena, hetê baroyan û OHDyî ra muracatî ameyê kerdene. 

‘Ma prosesî teqîb kenê’

Serekê Baroya Amedî Nahît Erenî derheqê tecrîdî de erjnayîşî kerdê. Erenî va, “Ma pêroyî bîyê şahidê pêvinayîşanê Îmraliyî. Bi taybetî 2015î ra dima binpaykerdişê winasîyî zêdîyayê. Seba ke maracatê awiqatan ca biyerê ma TTByî rê muracatî kerdibî. La nê muracatê maç i heyf ke bêcewabî mendê. Demêk ra var reyna kampanyayêk ameye dest pêkerdiş. Eşkera bîyı ke, muracatê ke hetê baroyanê Şirnex, Wan û Amedî ra TTByî rê ameyê kerdene, bi destê TTByî rasayê wezaretîye. Ma nika nê prosesî teqîb kenê. Goreyê netîce ma do bikewê mîyanê têgêrayîşan.”

MA / DÎYARBEKIR