Şêx Îmad Feylî: Vera hêrîşanê Tirkîya ganî Kurdî bibê yew

HEWRAMAN CELAL / ROJNEWS / KERKUK

Verfekê Cebheyê Kurdanê Feylîyan ê Kerkukî Şêx Îmad Feylîyî va, “Ganî Kurdî vera hêrîşan vateyê xo bikerê yew.”

Vera hêrîşanê Tirkîya yê Kurdistanê Başûrî rexneyî roje bi roje zêdîyenê. Derheqê hêrîşanê Tirkîya de Verfekê Cebheyê Kurdanê Feylîyan ê Kerkukî Şêx Îmad Feylîyî qisey kerdo.

Şêx Îmad Feylîyî va, “Çi heyf o ke varîlê petrolî 10 dolaran ra roşîyeno Tirkîya û Tirkîya zî 130 dolaran ra roşena. Dima zî bi nê pereyan Kurdan bomba kena. Tirkîya ganî meşka bikewa Kurdistan û ganî ci rê sînorî bêrê ronayene. Vera hêrîşanê Tirkîya hukmatê mintiqa bêveng o û no zî ma eciz keno.”

Heskerdoxê kursîyan hêrîşan peygoş kenê

Şêx Îmad Feylîyî peynî de va, “Ganî Kurdî vera hêrîşanê Tirkîya vateyê xo bikerê yew û cayê xo dîyar bikerê. kesê ke seba menfeatanê xo kewtê kursîyan dima, vêşayîşê xozaya Kurdistanî nêvînenê û hêrîşanê Tirkîya peygoş kenê.”