Silêmanîye de waro arkeolojîk o 2 hezar 500 serrî ame dîyayene

Hetê Mudirtîya Arkeolojîyî ya Silêmanîye û Zaningehê Chubu yê Japonya ra Silêmanîye de waro arkeolojîk o 2 hezar 500 serrî ame dîyayene.

Silêmanîye de hetê Mudirtîya Arkeolojîyî ya Silêmanîye û Zaningehê Chubu yê Japonya ra qezaya Tancero de waro arkeolojîk a 2 hezar û 500 serrî ame dîyayene.

Walîyê Silêmanîyeyî Heval Ebubekîrî derheqê mesele de malumatêk da û dîyar kerd ke berhemê xeylê muhîmî ameyê dîyayene. Ey dîyar kerd ke Neolîtîkî ra heta dewrê îslamî berhemî tede ca genê. Walîyî va, “Na ekîbe dewrê asûrîyan ser o xebitîyena. Xeylê berhemê aîdê wextê asûrîyan vejîyayê meydan.”

Kursê perwerdeyî do bêro dayene

Walîyî malumatê xo de va, “No war hetê muhendesîye ra cayêko zaf balkêş o. Seba cigêrayîşan do îdareyê arkeolojîyî û zaningehê mîyannetewî pîya kar bikerê. Ma do derheqê hacetanê arkeolojîkan de kursê perwerdeyî akerê.”

ROJNEWS/SILÊMANÎ