Xirba Amîdaye de kinitiş qedîya

Nûçeyên Komel û Cuye

duşem 3 Çileyê 2022 - 23:08

  • Prof. Îrfan Yildizî: Ma emser 782 hebî berê zaf muhîmî dîyê û raşta zî nê pêroyî vînayeyê zaf erjîyayîyê, reyna bê înan sera zêder berhemê pawiteyî ameyê vînayene. 

Xirba Amîdaye de kinitişê emserî ame qedînayene. Serekê kinitişî Prof. Îrfan Yildizî va ma kinitişanê emserî de 782 berhemê tarîxîyî vetê meydan.
Kinitişê Xirba Amîdaye ke Hetê Zanindehê Dîcleyî ra ameyenê kerdene seba emserî ameyê qedînayene. Heta ewro xirba Aîdaye ra xeylê çîyê muhîmî vejîyayê. Înan ra keşfo tewr muhîm sîstemê karolîferî bi. Goreyê malûmatanê arkeologan, sîstemê germinkerdişî yê Xirba Amîdaye dinya ser de sîstemê karolîferî yê tewr verênî yo.

Tarîxê Amîda zaf kehen o

Sererkê kinitişî birêz Yildizî derheqê xebatanê emserî de tayê îzahatê muhîmî daye. Yildizî vat ke, ma 40 merdimi mîyanê na serre de 330 rojî xebitîyayî û ma xeylê çîyê muhîmî dîyê. Heta par ma vatêne tarîxê awanbîyayîşê Amîda raseno 8 hezar serrî verî la bi kinitişanê emserî ma eşkenê vajê ke tarîx heta 9 hezar serrî zî şino. Emser kinitişanê Berê Qesrî de ma xeylê berê seramîkî dîyê coka ma eşkenê bi rehetî vajê ke 9 hezar serran ra nat Amîda de cuye bêedilîyayîş herikîyena. Ma emser 782 hebî berê zaf muhîmî dîyê û raşta zî nê pêroyî vînayeyê zaf erjîyayîyê, reyna bê înan sera zêder berhemê pawiteyî ameyê vînayene. Kinitiş û xebatê ma yê arkeolojîkî do serra newî de zî dewam bikerê.

AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.