Sînorê Kobanîyî de eskerê bipereyî ameyê cakerdiş
sêşem 16 tebaxê 2022 - 16:34
Goreyê malûmatan qereqolanê sînorê Kobanîyî de herinda pîyadeyan de eskerê bipereyî ameyê cakerdiş.
Kobanî badê binkewtişê Daîşî kewt binê talukeyê hêrîşanê Tirkîya. Mabênê Pirsûs û Kobanîyî de faalîyetê eskerîyî zêdîyayê. Goreyê malûmatan, qereqolanê sînorî ra pîyadeyî ameyê girewtiş û herinda înan de eskerê bipereyî(çawişê pisporî) ameyê cakerdiş. Pîyadeyî zî şîyê sînorê Serêkanîyê.
Bajaro ke DAIŞ tede ame binvistiş
Vera Tirkîya hetê QSDyî ra çalakîyî ameybî kerdene û nê vurînayîşî bade ci ameyê kerdene. Kobanî 2014-2015î de vengê xo rasnabi pêro dinya. Daîş tena nêşka Kobanî de serbikewo û bi xoverdayîşêkî pîlî tîya de ame binvistiş. Kobanî bi nê xoverdayîşê xo tarîxê xoverdayîşan de cayê xo girewt û bindestan rê bi hêvîyêka pîle. Badê binvistişê Daîşî, Kobanî narey bi hedefe Tirkîya.
MA / RIHA