Sîyasetmedarê Filistînîjî: Tirkîya ganî Sûrîye ra bivejîya

Gef û hêrîşê Tirkîya hetê sîsasetmedaranê Filistînijan ra ameyê rexnekerdiş.

Tirkîya roje bi roje vera Bakûr û Rojhelatê Sûrîyeyî gef û hêrîşanê xo zêdînena. Vera kerdenanê Tirkîya dinya û mintaqa ra rexneyî zêdîyenê. Derheqê meseleye de sîyasetmedaranê Filistanijan fikre xo ardê ziwan.

Qanûnê mîyannetewîyî binpay benê

Qomûtanê Partîya Şarî ya Filistînî Ebdulkadir Idrîsî va, “Xoverdayîşo ke vera Tirkîya yeno dayene pîroz o. Ganî şarî bibê yew û îşxalê Tirkîya bêro binvistiş. Mudaxeleyê Tirkîya tena Iraq û Sûrîye de ney cayanê bînan de zî îşxal û talan o. Ganî Kurdî û Erebî vera îşxalê Tirkîya bibê yew û vera înan şer bikerê.”

‘30 kîlometre mudaxeleyê Sûrîye yo’

Nuştox û aktîvîsto sîyasî Mistefa Mislimanîyî va, “Tirkîya vana ez 30 kîlometre xorînîye de kemerê emnîyetî virazena. No mudaxaleyê Sûrîyeyo û nîno qebûlkerdiş. Tirkîya Kurdan xo rê kena mehne û kerdenanê xo ramnena. Ma mudaxeleyanê Tirkîya qebul nêkenê û şermezar kenê.”

‘Mudaxeleyî nînê qebulkerdiş’

Partîya Şarî ya Filistînî ra Welîd El Ewadî  va, “Mudaxeleyê Tirkîya nînê qebûlkerdiş. Tirkîya ganî mudaxeleyan ra fek verada û Sûrîye ra bivejîya.”

Gef û hêrîşê Tirkîya ke zêdîyabî, hetê Îdareyê Xoserî yê Bakûr û Rojhelatê Sûrîyeyî ra 6ê Temûze de rewşa awarte ameybî îlankerdiş.
MERKEZÊ XEBERAN