Teqîbkarê sîyasîyî: Rayîrê haştîyaneyî yê Abdullah Ocalanî yenê astengkerdiş

Tecrîdo ke Abdullah Ocalanî ser de yeno ramitene hetê teqîbkaranê Sîyasîyan ê Başûrî ra ame erjnayene.

Serekê PKKyî Abdullah Ocalanî ra 30 aşmî yo xebere nîna girewtene. Muracatê ke hetê awiqat û keyeyê ci ra benê bêcewab menenê. Vera tecrîdî hetê Kurdan û dostane ci ra her cayê dinya de çalakîyî yenê kerdene.

Paradîgmaya vera sîstemî

Goreyê xebera Rojnewsî, derheqê tecrîdî de nuştox û teqîbkaro sîyasî Alî Osmanî qisey kerd û va, “Sebebê tecrîdkerdişê Rayber Ocalanî meseleya Kurdan a. Çunke Rayber Ocalanî pêro emrê xo da azadîya şarê xo û bedelê giranî dayê. Rayber Ocalan seba ke vera sîstemê faşîstî yê dewleta Tirke vejîya, nika Îmrali de binê tecrîdê giranî de yo. No zî vera Kurdan qirkerdişêk o. Dewleta Tirke ya îşxalkare, vera xoverdayîşê Kurdan de timûtim binkewta. Nêwazena nê binkewtişê xo ramojna.”

Heqê bingeyî yenê binpaykerdene

Endamê Komîteya Ocalanî rê Azadîye Şalaw Mahmudî derheqê tecrîdî de qisey kerd û va, “Tirkîya, rayîranê haştîyaneyan ê Abdullah Ocalanî asteng kena. Mesajê Rayber Ocalanî do seba çareserîya meseleya Kurdan û meseleyanê Rojhelatê Mîyanênî bibê çimeyê çareserîye. Heqê bingeyî yê Rayber Apoyî yenê binpaykerdene. Seba ke Rayber Ocalan bi fizîkî azad bibo, ma ganî dewleta Tirke rê teda bikerê.”

YENÎ YAŞAM