TIHVî ra raporê erdlerze: Çimeyî raşt nêameyê gurînayene

TIHVî, derheqê binpaykerdişanê prosesê erdlerze de raporêk weşana.

Raporê TIHVî de ame dîyarkerdiş ke, koordînasyonê krîzî bîyo krîzêk û çimeyî raşt nêameyê gurînayene.

Binpaykerdişê heqan, xulasayê raporî de bi no qeyde ameyê rêzkerdene:

“*Hepisxaneyanê mintiqaya erdlerze de 3 girewteyî hetê hêzan ra ameyê kiştiş û 9 kesî bîyê birîndar.
*Îşkenceyî ver kesêk merdo.
*Tewr kêmî 2 kesî raştê linçi ameyê.
*17 kesî raştê îşkenceyî ameyê. Kesêk merd û 10 kesî bîyê birîndar.
*1902 domanan ra nasnameyê 1820 domanan ame trspîtkerdiş û yê 82 domanan zî nêameyo tespîtkerdiş.
*22 rojnamegerî hetê polîs û sivîlan ra raştê hêrîşan ameyê. 1 rojnameger bi birîndar û 4 rojnamegerî zî gêrîyayê binê çimî.
*Welatîyê ke hetkarîyî dayêne arê, rêxistinê sivîlî, partîyî û beledîyeyî 20 rey ameyê astengkerdiş. 16 kesî gêrîyayê binê çimî.
*Tewr kêmî 7 rey hetê polîsan ra, AFAD û qeymeqamtîyan ra dest nîya malzemeyanê hetkarîye ser.
*Dest nîya 100 TIRanê Partîya Ameyoxî û reyna dest nîya 1500 konan, 8 TIR, 2 kamyon, 30 konteyner û 120 jeneratoranê ke hetê HDPyî ameybî erşawitişî ser.
*Parekerdişanê medyaya sosyale ver 141 kesî gêrîyayê binê çimî û 27 kesî ameyê girewtene.

MERKEZÊ XEBERAN