Dayîkêka Dêsimije Silê Sûrî ser o şiwareyêk vata. Silo Sûr qehremananê xoverdayîşê Dêrsimî ra yo.
Dêrsim wareyê qehremanan o. Silo Sûr zî nê qehremanan ra yew o. Egîdîya ey ser o xeylê deyîrî û şiwareyî ameyê vatene. Ma bi saya nê şiware û deyîran xoverdayîşê nê qehremanan musenê û ê bi qehremantîya xo vîrê şarî de ca genê. Dadîyêka Dêrsimije Silê Sûrî ser o şiwareyêk vata û vengê aye gêlîyanê Dêrsimî ra gulbang dano.
Şiwareye de vajîyeno;
Lawo, lawo Silêmano
‘Şêrê min o Silêman,
Ez se vajî veng a, goş nênano maya xo ya kokime ser
Mi va lawo meşo, ewro sere koyan dûmano sîya girewto
Va, “Ez ke meşorî koyan
Meşte şar mi şermezar keno”
Ez qurnanê lajê xo bibî
Bedelê yew tabûrî yo
Ax Borginîyê bivêşa
Axayê mi Silêman tek û tena yo
Ewro ko ra vengê tifingan yeno
Dayîke berbena, vana “Vewra koyan bivara mi ser de
Ez nêzana Silêmanê mi nîşangehê çend tifingan de tek û tena yo?”
Heq ocaxa dişmenan bivêşno
Bi adirê dormaleyê lajê mi
Axayê mi Silêman, na Borgînîya vêşaya çetin a
Dayîke vana ke, “Qeymîşê Huseynê mi mebe! Gula cemeatan o!
Dayîke vana, “Xo qerşuna Qehremanî ra pipawe, bedelê tabûran o!
Silêman vano, “Eke ez ey ra qerşune menî ey ra,
Eke mawzerê mi bigino de
Qehreman eman nêdano kesî
Heq bivêşno ocaxanê şima
Eke bi bêbextîye nêmerdêne Silo Sûr
Dişmen nêşkayêne terteleyî de xêma xo bino a
Tîkila Koyê Sûrî ser de”
PÎRHA / DÊRSIM