‘No pêrodayîş do meqedîyo’

duşem 9 Çileyê 2023 - 16:29

Parlamentera HDPyî Meral Daniş Beştaşe Dêrsim de yadkerdişê Sakîne Cansize de qisey kerd û va, “Ma hîkayeya pêrodayîşî goştarite û no pêrodayîş do çirey meqedîyo.”

Sakîne Cansiz, Fîdan Dogane û Leyla Şaylemeze Dêrsim de awanîya HDPyî de û mezela Sakîne Cansize de ameyê yadkerdene. Yadkerdişî de xeylê kesî ameyê têhet. Derheqê cuya Sak3ine Cansize de sînevîzyonêk ame ramojnayene.

Beştaşe: Hedef cinîyê Kurdî bî

Awanîya HDPyî ya Dêrsimî de Meral Daniş Beştaşe qisey kerd û va, “Ma zanê ke destê qetilkaran ra qetlîamê neweyî yenê kerdene. No qetlîam her hetî ra amebi olankerdiş. Tarîx, vîr, ciwanî û xebatê dîplomasîyî hedef gêrîyayê. Qetlîamê Parîsî de hedef cinîyê Kurdî bî. Serdestî timûtim hêza cinîyan ra û rêxistinîya înan ra tersayê.”

‘No pêrodayîş do meqedîyo’

Beştaşe va, “3yê Çeleyî yê 2013yî de reya verêne îdarekarê ddewlete şîyê Îmrali. Tîya de pêvînayîşî ameyê kerdene. Nê pêvînayîşî do Tirkîya de, Kurdistan de û dinya de raştê paştîdayîşan biameyêne û bibîyêne wesîleyê prosese çareserîye. La çi heyf ke, nê pêvînayîşan ra 6 rojî dima Parîs de no qetlîam ame kerdene. Abdullah Ocalanî, pêvînayîşan ra dima vatibi ‘No qetlîam qasê qetlîamê Dêrsimî muhîm o. Ganî faîlî bivejîyê meydan’. Ma hîkayeyêka pêrodayîşî goştarite û no pêrodayîş do çirey meqedîyo.”

Dima girse ver bi mezelcayî kewt raye. Girse hetê polîsan û cendirmeyan ra ame astengkerdiş û girse raştê hêrîşa înan ame. Parlamenterî şîyê mezela Sakîne Cansize ser û mezele ser o qerenfîlî ameyê ronayene.

MA / DÊRSIM

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.