Vera hêrişanê Tirkîya kampanyaya îmzayan a mîyanneteweyî dîyaye dest pêkerdene

Gazîye ameye kerdene ke wa pêro sazîyê mîyanneteweyî vera hêrişan vinderê û game bierzê.

Hêrişê Tirkîya yê ke vera Bakur û Rojhelatê Sûrîyeyî yenê kerdene dewam kenê. Hêrişan de mintiqayê sivîlî hedef gêrîyenê. Vera nê hêrişan kampanyaya îmzayan dîyaye dest pêkerdene. Kampanya hetê Platformê Dîplomasîya Komelkî ya Bakur û Rojhelatê Sûrîyeyî ra bi sernameyê “Gazîya çalakîya acîle: Şero ke Bakur û Rojhelatê Sûrîyeyî de vera merdimîye yeno kerdene bivindarnê” dîyaye dest pêkerdene.

Kampanyaya îmzayan de xeylê sazîyê welatanê cîyayan ca gênê û metne kampanya înternetî ser ra bi onlîne îmzayan rê ame akerdene.

Metnê kampanya, ziwananê Îngîlîzkî, Îspaonyolkî û Portekîzkî de ame hedrekerdiş û sazîyanê mîyanneteweyîyan rê gazîye ameye kerdene ke vera hêrişan game bierzê.

Heta nika sazî, rêxistin, platform û pawitoxanê heqanê merdiman ê Îspanya, Îngîltere, Hindîstan, Brezîlya, Meksîka, Şilî, Kolombîya, Çîn, Emerîka, Almanya û Iraqî ra kampanya ameya îmzakerdene.

Îmzayî bierşawîyê NY û Lahey

Goreyê malûmatanê platformî tarîxê qedînayîşê kampanya hîna dîyar nêbîyo. Îmzayê ke do bêrê pêser, bi mektubêke do bierşawîyê Neteweyanê Yewbîyayeyan, Dîwanê Edaletî yê Mîyanneteweyî yê Laheyî û sazîyanê têkildaran.

Merdim eşkeno nê adresî ser ra metne kampanyayî akero:

https://docs.google.com/document/d/1sicioup8TW8hrAfewnx0PJEmwj3jGirLh0xZktTJ-Rk/edit 

MERKEZÊ XEBERAN