Zîyaretê şarî Sûr de qedîyayê: Wazenê heyfê Kobanîyî bigerê

Zîyaretê ke hetê partîyanê Kurdan ra ameyêne kerdene Sûr de qedîyayê. Parlamentera HDPyî Remzîye Tosûne bale ante tecrîdî ser.

Zîyaretê şarî yê ke demêk ra nat hetê DTK, TJA, DBP û HDPyî ra Dîyarbekir de ameyêne kerdene, Sûr de ameyê qedîyayene. 

Heyeto ke tede Parlamentera HDPyî yê Dîyarbekirî Remzîye Tosûne, îdarekar û endamanê partîyan û Hemverfeka Partîya Çepe ya Keske ya Sûrî Melîha Comerte zî estibî, Mehleya Til Eloyî de şarî reyde ame têhet.

Gazîya paştîdayîşî

Walatîyî bi şayîye ameyê vera heyetî. Parlamentere Remzîye Tosûne dîyar kerd ke weçînitiş de mefte destê şarê Kurdî de yo û bale ante sere tecrîdî. Tosûne va, “Tecrîdo ke Birêz Ocalanî ser de yeno ramitene roje bir oje giran beno. Wazenê heyfê Kobanîyî bigerê. Çunke felsefe û îdeolojîyê Birêz Ocalanî Kobanî de xo da teber û bi vila. Nika tecrîdê Îmraliyî hîna zêde giran kenê û nêwazenê Birêz Ocalanî ra xebere bêra girewtene. Nêzdîyê 2 serrî yo ke Îmrali ra xeberê nîna girewtene. Vera nînan dormaleyê partîya ma de yanî dormaleyê demokrasîyî de bêrê pêser.

Zîyaret bi pers û cewaban ame qedîyayîş.

MA / DÎYARBEKIR