"Tirkîya ganî têgêrayîşê xo yê dişmenane biterikna"

Konseyê Ewrûpayî bale ante binpaykerdişanê prosesê weçînayîşî û waşt ke wa Tirkîya têgêrayîşê xo yê dişmenane biterikna.

Xeylê kesî operasyonanê binçimgirewtişî de gêrîyayê binê çimî û ameyê girewtene. Hetê Konseyê Ewrûpayî ra derheqê nê operasyonan de malûmatêk ame dayene.

Malûmatî de ame vatiş ke, “Tirkîya vera rojnameger, pawitoxanê heqan, awiqatan dişmenane têgêrena û ganî nê çîyan biterikna. Prosesê weçînayîşî de vera aktoranê demokrasîyî tehdaya xo zêdînaya. Rewşa heqanê merdiman ver bi xirabîye şona.”

Qisawetî zêdîyenê

Bale ancîyaye binçimgirewtiş û girewtişan ser o û ame vatiş ke, “120 kesî ra zêder kesî ameyê gêrîyayê binê çimî û bi komî polîsan eşto serê keyeyanê înan. Nê çîyan ver qisawetî zêdîyenê. Yeno vatiş ke temînatê ewleyîye ameyo binpaykerdiş û polîsan teda kerda. Lîsteya rojnamegeranê girewteyan hîna bîya derge. Derheqê Dayîkanê Şemeyî de seba ke înan heqê xo pawito teqîbatê cezayî dîyayê dest pêkerdene. No zî seba heqanê merdiman talukeyêko bîn o.”

MERKEZÊ XEBERAN