Abdullah Ocalanî rê mesajê Seyîd Evranî

Nuşteyo ke hetê rojnameger Seyîd Evranî ra seba Abdullah Ocalanî defterê xatirayî de amebi nuştene ame weşanayene.

Kedkarê çapemenîya azade rojnameger Seyîd Evran, 22yê Êlule de Bakûr û Rojhelatê sûrîyeyî de nêşaşxane de cuya xo vîndî kerde. Nuşte yo ke hetê ey ra seba Serekê PKKyî Abdullah Ocalanî amebi nuştene hetê ANHAyî ra ame weşanayene.

Evranî, 17ê Çileyê 2022yî de dewa Elpelurî ya Kobanî de deftere xatirayî rê nê çîyî nuştê: “Nê hîsî nînê terîfkerdiş. 43 serrî verî cû ma bivatêne Rojava de, Bakûr û Rojhelatê Sûrîyeyî de ma do şorişî biciwîyê, kes m ara bawer nêkerdêne û vatêne şima gêj ê. Tîya de 43 serrî verî cû şoriş dest pêkerd. Rayber Apo wexto ke amebi Kobanî, nê keyeyî de zî cuwîyabi. Gamê şorişî tîya ra hêdî-hêdî ameyê eştene. Mîyanê nê hîsan de bîyayene nêna terîfkerdene û merdim pê zaf beno şa. Selamî. Seyîd Evran.”

Cinazaya ci do meşte bêra wedartene

Cinazaya Evranî, meşte do bi girseyî Qamişlo de bêra wedartene. Cinaza do saete 11.00 de morg ra bêra girewtene û ver bi “Şehîdgehê Şehîd Delîl Sarûxanî” bikewa raye.

MERKEZÊ XEBERAN