Mesajê peyênî yê rojnameger Seyît Evranî

Rojnameger Seyît Evranî nuşteyê xo yê peyêne de vatibi, “Ez Kurd bîya û ganî şarê mi azad bibîyêne. Seba ney heta nefesê xo yê peyênî qelema xo û kameraya xo gurînayê û mi vatayê xo vatê.”

Kedkarê çapemenîya azade Seyît Evran 22yê Êlule de Bakûr û Rojhelatê Sûrîyeyî de cuya xo vîndî kerde. Evranî 30 serrî ra zêdêr o ke rojnamegerîye kerdêne. Ey verê mergê xo bi nameyê “Ver bi raywanîya peyêne” nuşteyêk nuştibi.

Mesajê ey o peyên

Nuşteyê Evranî wina yo: “Seba ke merdim vate bido her çîyê cuye ganî xoverdayîşêko pîl bido. Mi zî seba no vateyî xoverdayîşê pîlî dayê. Ez Kurd bîya û ganî şarê mi azad bibîyêne. Seba ney zî mi heta nefesê xo yê peyên^ş qelema xo û kameraya xo gurînayê û mi vateyê xo vatê. Nika ez ewnîyena ke çend nifşî bedilîyayê? Ma her roje zêdîyayê…

Ma tradîsyonê ma mezele de bê zî ma do seba şarê xo kede bidê ra yenê. Coka ma estbîyê û ma estê û ma zêdîyenê…

Kalikê mi, wexto ke Şêx Seîdî reyde rayra şi no xoverdayîş dest pêkerd. Ez tornê kalikê xo ya û beyreqa ke mi dewr girewt, mi Rayber Apoyî û PKKyî reyde berz kerde. Amed ra Xerzan, Efrîn ra Qamişlo, Zap ra Silêmanîye, Ûrmîye ra Mahabad ez şîya her cayê welatî. Nika hetêkê mi Bakûr, hetêkî mi Rojava, hetêkî mi Başûr û hetêkî mi Rojhelat o. Ez bi temamî bîya Kurdistan. Hinî bi mîlyonan merdimi mi dima estê û no tradîsyon do dewam bikero…

Xeylê çîyî estbî ke ganî biamêne kerdene, la wext hende bi.

Bimanê mîyanê heskerdiş û weşîye de!”

MERKEZÊ XEBERAN