Polîsan tayîyaya Evranî asteng kerde

Rojnameger Seyîd Evran şî heqîya xo. Nêzdî 30 serrî seba çapemenîya azade kedêka girde daye. Keyeyê Evranî Amed de waşt ke tazîya bikero, la polîsan asteng kerd.

Qezaya Hênê ya Amedî de polîsanê tirkan destûr nêda ke keyeyê rojnameger Seyîd Evranî keyeyê tazîya de tazîya bikero.

Rojnameger Seyîd Evran 22yê êlule de Rojawan de krîzê qelbî ra şehîd bîbî. Keyeyê Evranî qezaya Hênê ya Amedî de Keyeyê Tazîya yê Merkezî de waşt ke 3 rojan tazîya bikero.

La polîsanê tirkan mefteyê keyeyê tazîya girewt û nêverda ke keye tazîya rono.

Polîsan venga keyeyî da û vat: “Ma do nêverdê ke şima keyeyê tazîya de tazîya ronê. Şima teyna eşkenê keyeyê xo de tazîya ronê.”

Keyeyê Evranî naye ser o verê banê xo de tazîya naye ro.

XWEBÛN